《奉告》係香港電台電視部製作嘅時事資訊互動節目，1979年首播，逢星期一至星期五挨晚播出。1987年開始改喺逢星期六至星期日挨晚播出。1996年停播。
《奉告》係一個互動形式嘅節目，主要係答觀眾去信問嘅問題，每集5分鐘。觀眾如果有乜嘢關於香港社會民生嘅問題或者投訴，可以寄信去香港電台（寄信地址：九龍中央郵箱70200號）。問題會喺節目度由相關香港政府部門或者公用事業機構嘅代表親自解答。每集節目都有一個特定主題，例如房屋問題或者交通問題噉。
奉告都會發佈一啲對香港社會民生重要嘅消息，例如巴士服務消息噉。
