女武神

女武神neoi5 mou5 san4（英文：valkyrie）係北歐神話入面嘅一班女神，亦係現代奇幻當中時不時會見到嘅一種角色。

1865 年一幅油畫；幅畫描繪一位騎住隻馬嘅女武神。

傳說

喺北歐神話裏面，女武神係班女神，職責係專門幫眾神之父奧丁（Odin）準備一隊精良嘅軍隊。亦有版本話佢哋係奧丁嘅女。

根據中世紀北歐人嘅信仰，女武神會喺人間嗰度徘徊，並且將一啲打仗嗰陣戰死嘅勇敢戰士嘅靈魂帶去 Valhallawaa6 haa1 laa4 嗰度，等呢啲戰士成為奧丁嘅軍隊嘅一部份；喺中世紀北歐人心目中，俾女武神睇中係一種極高嘅榮譽－北歐神話相傳，俾女武神睇中嘅戰士會喺 Valhalla 嗰度受女武神嘅款待（有得盡情噉飲甜美嘅蜜酒），而到咗諸神黃昏（挪威文：Ragnarök）嗰時，一眾 Valhalla 嘅戰士就會同女武神一齊跟隨奧丁上陣作戰。

喺北歐神話裏面，又有傳說話極光係女武神嘅盾同護甲所反射嘅光。

文藝

• 女武神歌劇
• 女武神嘅騎行

幅油畫描繪一班騎住馬飛天嘅女武神。

睇埋

• 天使
• 極光