兄弟姊妹（粵拼：hing1 dai6 zi2 mui5/6；英文：sibling），又寫做兄弟姐ze2妹，指至少有一個父母一樣嘅兩個人。跟性別可以分成兩大類，將男嘅分做兄弟，女嘅分做姊妹（姐妹），而入面可以再拆細做兄、弟（細佬）、姊（姐、家姐）、妹四類。
如果講兩個人嘅關係，就叫兄弟、兄妹、姊妹（姐妹）、姊弟（姐弟）。冇兄弟姊妹嘅人叫獨生子或者獨生女。
如果兄弟姊妹有血緣關係，就係近親。如果係領養返來，冇血緣關係，就當然唔係近親。多數兄弟姊妹都係一個屋企下面大，所以有份親情，不過喺Westermarck effect下，兄弟姐妹好少會愛上對方。
