男人
(由男跳轉過嚟)
「男」跳轉到呢度。想搵爵位，請睇「男爵」。 「男子漢」跳轉到呢度。想搵李龍基專輯，請睇「男子漢 (李龍基專輯)」。男人（又叫佬，男性）即係公嘅人類，同女人相對，未成年嘅男人通常叫男仔。男性呢個名，可以表示生物學上嘅性別劃分，基因有XY染色體嘅人，又可以指文化上嘅性別角色，或者兩者都有。
生物學 編輯
男人之所以成為男人，全靠Y 染色體。Y染色體令胎發展出男人最重要嘅生殖器官睾丸（俗稱膥或膥子）；睾丸會製造大量叫睾丸酮嘅男性賀爾蒙，令男人身體發展出男人嘅性徵，例如比女人更發達嘅肌肉。
.jpg)
生殖系統 編輯
内文：男性生殖系統
男人同女人嘅生殖系統好唔同，最明顯係男人嘅外生殖器官露出一條脧脧同一個膥袋，而膥袋裏面吊住嘅係兩粒膥子，單憑肉眼就可以隔住膥袋睇到兩粒膥子嘅輪廓。
男性健康 編輯
男人平均壽命係短過女人。通常男人平均都比女人短五年命。響六十歲時，男對女係81比100，再老啲，就係53比100。
性別角色 編輯
男人散發出嚟嘅男子氣概可以叫做男人味。
