威斯特布路浸信會

威斯特布路浸信會（Westboro Baptist Church 簡稱 WBC）係由 Fred Phelps 創立嘅一個基督教教會，雖然佢叫浸信會，但其實同浸信會冇聯繫，最主要活躍喺美國肖尼縣托皮卡。

WBC 教友

呢個教會有一個叫 GodHatesFags.com 嘅網站，專門引用聖經內容，譴責同性戀、雙性戀、變性行為。

WBC 嘅教友好鍾意得閒無事，就會去啲同性戀集會或者遊行，然後舉一啲示威牌，上面寫住啲 God Hates Fags（神最憎同性戀¹）、God Gave Fags Up 重有 Thank God For Aids（感謝神賜下愛滋病）嘅標語。佢哋認為美國如果唔禁止同性戀，美國遲早會滅亡。

佢哋認為美國所有麻煩嘢，例如颶風 Katrina、911咁，都係由於縱容同性戀而嚟，所以佢哋曾經試過去911事件入面，世貿中心遺址度，公開感謝上帝利用911事件懲罰美國，之後開始喺美國穿州過省，去一啲美國軍人陣亡嘅喪禮度示威，結果令美國好多個州都發出禁令，禁止任何人喺喪禮範圍入面示威，而美國聯邦公墓更加唔准示威。

註解

• 註 1: Fags 喺英文入面，係對同性戀一個好侮辱性嘅叫法。