911事件

911事件，又叫九一一事件或九一一恐怖襲擊，係由阿爾蓋達組織發動連串針對美國嘅自殺式襲擊。

世貿現場

911事件—世界貿易中心現場

美國紐約當地時間（UTC-4）2001年9月11號朝早，幾個人劫咗美國航空同聯合航空四架客機，撞咗兩架入紐約市嘅世界貿易中心，一架入五角大樓。另外有架聯合航空93號班機都俾人騎劫咗，但入面班乘客同啲劫機者博命，雖然最後都阻止架機撞落人多嘅地方，令呢班機係四架被劫嘅飛機之中唯一無令地面人員同建築物損失，但架機都撞咗落笪空地，機入面嘅40人都死咗。但事後有人質疑，有好多目擊者聲稱見到第二架飛機係美國軍事專用飛機，機身係灰白色。

成個襲擊一共有 2,986 人死，美國紐約世界貿易中心雙塔在內嘅六幢建築物冧晒，美國經濟大受打擊。

呢單嘢搞到美國喺之後幾年嘅國策以反恐為主，發動阿富汗戰爭，以反恐為名打伊拉克，同一連串喺國內外有爭議嘅反恐措施。