孔雀石綠

孔雀石綠，色料一種，藥一種，有機化合物，天然所無，人工合成。色綠，化學式為C₂₃H₂₅ClN₂。孔雀石綠繙自英文Malachite Green，名雖借孔雀石，但同孔雀石無關，得個色似。

孔雀石綠

孔雀石綠原本只係用來染色，後尾發現佢可以治魚病，尤其治細菌、真菌、寄生蟲，都有效。養魚用佢來防治病患。之不過佢有毒，會藏喺魚膏。人食咗會中毒，鼠類食咗，有機會患癌，人則未清楚。

現今世界已禁用於食用魚，之不過佢夠平，執法不嚴嘅地方，仍有人會用。

孔雀石綠染色勁，若果沾到手腳衣物，會好難洗得甩，因此亦可以做防盜。乾粉放入銀紙，可以做餌。有賊偷咗，沾粉洗手，就會入皮，要幾日先會退色。