孖展maa1 zin2(音譯自英文Margin)即係用抵押按金或者其他資產來買賣證券、期權或期貨,抵押嘅作用係控制處理孖展嘅銀行或證券行嘅信用風險。證券行手上嘅法律權利都叫做孖展,就好似借錢買樓抵押叫做按揭咁。

孖展戶口 編輯

孖展戶口係指投資者同証券行開嘅貸款戶口。投資者手上嘅現金同股票嘅價格決定孖展戶口有幾多錢可以用。証券行會決定抵押資產價值同購買力嘅比例。呢個比例受政府同監管機構限制,有上限,例如每存入一蚊只可以借一蚊。如果股票價格升跌,令抵押嘅價值跌穿可接受嘅水平,就要補倉。補倉即係存入現金或者賣出股票。孖展戶口借錢要收利息。

孖展買入 編輯

睇埋:投資

孖展買入係指同一時問証券行借現金,買入股份,兼將股份當成抵押。

沽空 編輯

沽空係指投資者賣出自己冇嘅股份,即係要問証券行借股份,抵押品係現金。

睇埋 編輯