孭帶

孭帶（Baby sling），又叫做揹帶同嬰兒揹帶，係條綁住蘇蝦仔去大人身度嘅帶，多數孭住蘇蝦仔響背脊。通常阿媽孭住個仔用，可以孭住佢周圍去嘅。

背脊孭帶

佢亦係一種睇蘇蝦嘅副助工具，基本上係一塊大布有幾條帶，幫手將個細路孭喺上身，背或心口都得，咁母子就可以一齊周圍去，阿媽重可以有手做其它嘢添，又唔會唔見咗個仔。

如果唔用孭帶，就可能要用BB車。比較嚟講，孭帶嚮以前中國比較流行，而家西人都好鍾意用孭帶，孭個蘇蝦周圍去，兒童心理學認為咁比較有親子關係。

有話用孭帶嘅蘇蝦最舒服，因為聽到媽咪心跳聲，最有安全感。