學術研討會

學術研討會hok6 seot6 jin4 tou2 weoi2（academic conference）係一種學術性質嘅聚會，俾相同領域嘅學者同研究者聚埋一齊討論佢哋做緊嘅研究。

一位研究者（企喺度嗰個人）喺研討會上向其他研究者講解自己做緊嘅研究。

做法

睇埋：學術研究

做法通常係噉：

• 响學術界，每位研究者都梗會有某幾個課題係佢零舍有興趣研究嘅，而一場研討會有個課題，想吸引同嗰個課題相關嘅研究者聚埋一齊，大家傾各自做緊嘅研究同諗緊嘅得意諗頭；
• 搞一場研討會嘅單位通常會係喺嗰個課題入面富有經驗嘅研究者，佢哋會喺某啲地方嗰度公佈「要搞研討會」，想參加研討會嘅研究者就會去佢哋個網頁嗰度或者用電郵嘅方法，遞交自己做緊嘅研究嘅摘要；
• 搞研討會嗰方會睇勻嗮遞上嚟嗰啲摘要，跟住決定邊啲研究值得喺場研討會上面傾，最後就會定返個時間表，講明「研討會嗰日有邊幾份研究會做發表同埋每份發表喺咩時間做」噉嘅資訊。

一般認為，研討會係做學術研究嘅人交流諗法嘅重要渠道之一。

環節

• 匯報
• 海報環節
• 研究海報

睇埋

• 學術寫作