定點法

定點法（英文：spotting）喺舞蹈上係做旋轉舞步嘅基本技巧，指個舞蹈員喺旋轉嗰陣，雙眼盡可能維持望同一個點：包括芭蕾舞在內嘅多種舞蹈都會要求舞蹈員做旋轉，而激得滯嘅旋轉有可能會搞到個舞蹈員頭暈；定點法就係一種喺旋轉當中用嘅技巧，涉及個舞蹈員特登將佢頭頸同身體其他部份轉速唔一致－

• 喺啱啱開始旋轉嗰時，舞蹈員條頸以下嘅身體要加速，但頭同頸就要盡量唔好轉住繼續向住前面，
• 然後等條頸以下嘅身體轉到咁上下，頭唔可以再向住前面，頭頸先至一嘢轉嗮大半個圈，再返去原初嘅位置。

一位男舞蹈員用定點法做旋轉。

即係話用咗定點法嘅話，個舞蹈員身體會以恆定嘅速度旋轉，而頭就大多數時間都向住同一個方向，等佢冇咁容易頭暈。喺練習定點法嗰陣，一個芭蕾舞學生通常會要自己一路練、一路望實埲牆上面嘅某一點，所以呢種技巧就有咗個名叫「定點法」。

芭蕾舞嘅使用

睇埋：芭蕾舞詞彙

芭蕾舞成日會做旋轉動作，尤其係以下呢啲舞步：

• Piroutte（腳尖旋轉）
• Chaînés