客

客（粵讀：haak³）係講寄居響人哋地方嘅人，唔係住響自己地方。就好似唐山就有客家人，寄居響粵閩兩省。

之後就引伸到，俾人請來作客嘅人，所以亦都叫賓客。之後再引伸到幫襯人生意嘅人。後兩者都係亦都叫做人客，北方就叫做客人。

客家

客係客家話同客家人嘅簡稱

生意上嘅客

内文：住客、乘客同顧客

以前去外地住客棧，叫人做客倌。家下除咗酒店，租屋之類生意，會叫人做住客或租客。物業管理公司都會個屋村嘅人做住客。

做揸車，揸船，揸飛機載人生意嘅人，會叫客做乘客。因為英文 passenger 亦都譯做乘客，所以唔係司機，坐響運輸工具上面嘅人都係乘客。

凡係幫襯生意嘅人，亦都叫做顧客，係書面語光顧嘅客嘅意思。因為英文流行，唔少人譯 customer 都會譯做顧客。

唔係生意嘅客

客因為係去人哋地方，相對來講，原本地方嘅做主。所以主客成日會拉埋來講，例如廣東話就有句『客家佔地主』。響聯賽裏面，自己地方比賽就叫主，去人地地方比賽就叫做客。