Wikipedia:維基百科唔係辭典

維基百科唔係字典同詞典，所以凈係得一個意思，而且係冇其它字嘅正文就唔應該擺響度！但一篇正文應該要一個好嘅意思或解釋嚟開頭。如古您鍾意搞一個字或詞嘅意思或解釋，請去維基辭典嗰度搞（傳送門）！

成日見到嘅係，如估您第一次嚟維基百科嘅話，就好容易同辭典搞亂，呢個就係因為有啲人新開咗嘅文，就喺啱啱開始嗰陣凈係得幾句話就講嗮或凈係得一個提綱就乜都冇喇，又或者凈係畀個解釋就乜都冇嘅，嗰啲嘢完全係懶惰現象，好明顯唔符合艱苦嘅精神。點解？你問下啲老人家喺讀緊攴攴齋嗰陣，解釋一個詞係咪又長又寢㗎？你問下啲美國佬、英國撈或蘿蔔頭，佢哋啲人解釋一個詞係咪又長又寢㗎？重有，喺20世紀50年代嗰陣有冇咩iPhone、智能手機、電腦去到周街都係？20世紀60年代初期啲人用緊嘅係咪高清嘅液晶彩色TV啊？舊時古代啲人有冇人騎單車、踩摩托車、揸私家車，坐巴士同地鐵返工啊？18世紀啲人有冇人揸住部MP3同MP4聽歌啊？

維基百科唔係字典或詞典

雖然話呢度有好多未擴寫嘅正文，但係佢凈得好短嘅時間留響度。因為一篇正文唔係凈得一個詞嘅解釋，梗係有可能好快就有其他人嚟擴寫成篇嘢。因為呢度係一個百科全書，百科全書入面啲嘢比字典同詞典入面解釋嘅一個詞重多好多。

維基百科唔係成語詞典

成語係唔可以用喺维基百科入面開正文。因為一個正文嘅名係成語嘅正文，如古凈係解釋成語本身嘅讀音、解釋、出處、用法同埋相關詞彙、例句等呢啲有詞典性質嘅嘢，唔該去到維基辭典！

如估有啲名係成語嘅正文，但佢係歷史事件、寓言或文學古仔、固定嘅事物名、節目名或遊戲名等啱百科性質嘅嘢，噉佢可以放喺百科全書入面。例如：見多識廣入面嘅遊戲節目內容（廣州電視台嘅其中一個遊戲節目，已經停咗播。）入面有關遊戲節目嘅嘢，雖然話「見多識廣」本身就係成語，但佢哋係可以當成出名嘅節目（而唔係當成成語噉）出現喺維基百科入面；重有焚書坑儒都可以出現喺維基百科入面。如果一個成語入面可以有好多個固定事物解，噉就可以搞清楚。如古成語係歷史事件嘅話，一般嚟講唔應攞成語嚟做正文，應該要跳轉到重好啲嘅標題。例如：唇亡齒寒跳到宮之奇諫假道。

維基百科唔係術語或俗語指南

百科入面係唔應該凈係畀一個術語或俗語嘅簡單解釋，而係詳細噉講佢嘅歷史同佢有關嘅主題。

維基百科唔係傳紀辭典或宗譜

除非嗰個人係有成就嘅。因為維基百科入面唔係乜人都收錄㗎。