容器

  想搵抽象資料類型嘅話，請睇容器 (抽象資料類型)。

容器（container）係指用嚟裝第啲物件嘅工具，可以部份或者完全封閉，用響容納、儲存同運輸啲物件。物件可以放置響容器度，而容器就可以保護物物件。

籃係一種容器。

歷史

人類用容器嘅歷史至少有十萬年，甚至可能有幾百萬年嘅歷史。第一個容器可能係用響儲存嘢食 ，咁樣令啲嘢食可以保存更長嘅時間，亦都方便攜帶，仲可以唔使受其它動物嘅侵擾。儲存嘢食嘅容器對人類社會嘅發展有好大嘅意義，呢個係響靈長類動物入面嘅一種獨有嘅行為。最早嘅容器可能是自然界入面原先有的嘅物體，例如響塔魯族同夏威夷族 嘅文化入面，有用空心葫蘆嘅案例。之後，再出現咗籃、木器同陶器。