陶器

陶器係用黏土或者陶土捏成同燒製成嘅裝嘢架生，早到新石器時代就已經有，當時係日用品，而家就變做工藝品收藏。

製作中嘅陶器

基本

陶藝出嗰啲成品可以分成兩大類：一類係日常實用到（functional）嘅架罉，好似碗碟、樽、盆啊呢啲就係，另一類就唔係愛嚟實用（non-functional）、齋做裝飾或者完全係藝術品嘅創作。整返前一類成品要落足心機，就算係出貨少，都會好似工業設計咁要顧及到譬如易用性呢啲咁嘅問題。

工序通睇:

• 做形
• 上釉
• 燒成

工業度有半自動化嘅陶藝步驟替代人手，譬如拉坯可以由部自動機嚟拉。工業應用嘅工序譬如風乾方法同燒製嘅先後次序呢啲，好多時同人工做嘅都有唔同。經呢種工業方法出嘅成品，除咗碗碟呢啲嘅一般器皿，仲可以工業生產埋洗手盆、廁盆呢啲。