將軍澳連儂牆斬人案
將軍澳連儂牆斬人案，係香港2019年反送中運動期間發生嘅一單劈友案，發生喺新界將軍澳景林邨同厚德邨之間嘅行人隧道連儂牆，釀成三人受傷，其中一人情況危殆。
經過
編輯2019年8月20號凌晨一點幾，有兩個後生女喺隧道現場，有個中年男人行過嚟搭爹，之後疑因意見不合，男人突然邋刀㨃向兩個女事主，另一個男人嘗試制止但亦被斬到，最後畀殺手成功走甩。
由於有目擊者見到刀手走去頌明苑，好多街坊自發去嗰頭搜索，最後喺嘉明閣21樓後樓梯垃圾桶搵到懷疑屬殺手嘅血衫。警方亦分別喺案發現場同嘉明閣後樓梯搵到兩把懷疑兇刀。
同日中午，警方喺羅湖口岸拉到個犯，佢係個50歲做導遊嘅男人洪震，住喺頌明苑。
過百位街坊認為頌明苑嘅保安員失職，喺同日夜晚包圍管理處抗議。
2020年4月24號，區域法院裁定被告洪震3項傷人罪名成立，判入去坐45個月（三又四分三年）。
事主
編輯案件有兩女（26歲、35歲）一男（24歲）受傷。當中26歲黃姓女傷者情況一度危殆。呢位女傷者之後被證實係《信報》副刊記者，並即將轉工去明周文化。
另外兩名傷者情況較輕。