座標: 23°8′19.51″N 113°15′59.95″E / 23.1387528°N 113.2666528°E / 23.1387528; 113.2666528

小北路粵拼siu2 bak1 lou6)係中國廣東省廣州市入面嘅一條主幹道,呢條馬路喺越秀區入面,成條馬路係西南東北走向。南邊從東風中路同埋倉邊路嘅交界開始,一直向北去到童心路同埋環市中路嘅交界嗰頭。

小北路
XIAOBEI ROAD
性質: 主幹道
全長: 1.023公里
行車線: 雙向6車道
地區: 廣州市越秀區
起點: 東風中路同埋倉邊路嘅交界
終點: 童心路同埋環市中路嘅交界
主要建築: 越秀公園東門
北園酒家
小北路小學
粵紡大廈

概要 編輯

全長1023米,闊15米,雙向6車道。

編輯

其實呢條馬路喺好耐之前就有喇,不過呢條路喺嗰陣時係越秀山入面嘅一條路仔。喺明朝清朝嗰陣,呢度有廣州城入面嘅小北門,所以先至改咗噉嘅名,喺清朝嗰陣就嗌咗「小北直街」呢隻名。到咗民國七年(1918年)嗰陣,廣州市政府就將棟小北門拆咗,重將條馬路整闊咗;而喺城門出面嘅嗰截小北路係通去白雲山嘅泥路入面,所以改咗名嗌「登峰路」。而民國嗰陣,小北路一帶已經形成咗鬧市,茶居、百貨同埋小食檔都有,挾挾埋埋已經有幾十間喇。而登峰路嘅兩邊係啲牛欄、茶亭,而啲屋後面就係笪菜田,好似個鄉下噉。到咗20世紀50年代,廣州市政府又將條登峰路整闊咗,接埋原先嘅小北路(原來城門內嗰截)一齊,改咗名嗌「小北路」。雖然話1966年嘅文化大革命嗰陣改咗名嗌「登峰北路」同埋「登峰中路」呢兩隻名,但係到咗1981年,呢條路就改返原嚟之前嘅名,啫係依家嗌「小北路」。

經過嘅道路 編輯

呢度啲路嘅順序係從南去到北嚟排嘅,其中加粗咗嘅字係主幹道: