小提琴

小提琴，又叫梵鈴，俾人稱之為「樂器女王」，係一個用弓拉嘅弦樂器。佢有四條弦，每條隔純五度，係提琴家族之中至細、至高音嘅樂器。大過佢嘅提琴有中提琴、大提琴同埋低音大提琴。

小提琴

小提琴係嚮16世紀嘅意大利首先出現。佢原先嘅意大利文名叫做violin，意思即係細嘅中提琴（viola）。

小提琴同其他提琴一樣，主要係用弓來拉嘅，間唔中亦會用嚟彈下。

佢係現代管弦樂隊弦樂組中最為主要嘅樂器。樂器之中佔有好重要嘅位置，係現代管弦樂隊最重要嘅樂器之一，亦係具有高難度演奏技巧嘅獨奏樂器。

嚮大戲、粵曲、粵樂用嘅梵鈴

早嚮1920年代，司徒夢岩、尹自重、呂文成嗰一班玩家用小提琴拍和，一用就用到而家。

但係大戲粵曲用嘅定弦係同西樂嘅唔同，西樂嘅定弦係G D A E，大戲粵曲嘅定弦係F C G D。