小行星帶

 小行星帶（粵拼：siu2 hang4 sing1 daai3） （英文：Asteroid belt，又叫主小行星帶，簡稱主帶）係一堆小行星，響太陽系火星同木星之間，散落成帶。呢帶嘅小行星，唔少質如岩石，多數直徑唔過一千米。因為小行星帶附近嘅木星同埋火星經已形成咗大型天體，佢哋嘅引力（尤其木星）導致小行星帶入面嘅星子唔能夠形成大星體。事實上火星兩粒衛星都係靠引力從小行星帶捕獲。小行星帶當中唯一嘅矮行星係穀神星。

主要嘅小行星帶（用白色顯示）響火星同木星軌道中間。