尖沙咀六四集會係香港一年一度悼念六四事件死難者嘅集會，由香港本土派發起，由2013年開始到2015年，每年6月4號挨晚，嚮尖沙咀香港文化中心出面集會。出席呢個集會嘅人，好多都係唔滿意支聯會搞嘅維園六四燭光晚會多年嚟無乜點變過同埋佢「愛國」嘅主張。
2013年嘅集會由本土派網民自發搞，約莫有一千人參加；2014年到2015年嘅集會由香港本土派團體「熱血公民」同 黃毓民嘅「普羅政治學苑」做搞手，約莫有七千人參加。
2016年，時任立法會議員黃毓民、熱血時報創辦人黃洋達同學者陳雲搞五區六四集會，尖沙咀係其中一區，取代咗尖沙咀六四集會。
