尖沙咀海濱花園（英文：Tsim Sha Tsui Promenade）係香港一個海濱公園，響九龍尖沙咀到尖沙咀東海皮，可以睇到維多利亞港對面嘅香港島北岸景色，尖東嗰段俗稱尖東海旁。
尖沙咀海濱花園大致分為東西兩段，以尖沙咀東海濱平台花園嘅行人天橋做交界：西段大部份範圍被改建成香港星光大道，沿途經過香港文化中心、香港藝術館、香港洲際酒店同維港文化匯等建築；東段就緊貼住尖東嗰段嘅梳士巴利道而起。
