尖沙咀消防局係香港嘅一座消防局，位處九龍尖沙咀廣東道333號，鄰近中港城，前身係九龍海軍船塢裏邊嘅英國皇家海軍船魚雷維修場。
尖沙咀消防局
尖沙咀消防局嘅管轄範圍包括尖沙咀西部同南部，但唔包括尖沙咀東，呢個地區由尖東消防局管轄。
大樓內除咗消防局外，亦設有消防處嘅辦事處，包括消防九龍南區總部辦事處、西九龍防火分區辦事處、東九龍防火分區辦事處同新界區防火分區辦事處。
舊尖沙咀消防局喺1920年起好，係一座兩層高嘅紅磚建築，到咗1970年代，尖沙咀發展迅速，舊尖沙咀消防局嘅地唔夠用，所以搬到依家嘅地方。
