尖沙嘴火車站

尖沙嘴火車站係舊時香港九廣鐵路英段嘅香港總站,喺九龍尖沙嘴最南端嘅海邊。以前嘅人可以喺尖沙咀火車站上火車到巴黎,係歐亞鐵路亞洲嘅總站。火車站主樓係由英國馬來聯邦建築師哈巴克設計。喺1913年開始起,1915年起好。第一班火車喺1916年3月28日開出。直到1975年11月30號紅磡站取代成為九廣鐵路嘅香港總站。到咗1978年尖沙嘴火車站就拆埋,得番個鐘樓留低,原址就起咗香港文化中心

尖沙嘴火車站

火車站係用紅磚同花崗岩砌成,側邊有好多條羅馬石柱同拱門,上邊有尖頂裝飾。客運月台起喺南邊,面對維多利亞港,同梳士巴利道平行;喺羅湖抵達嘅列車由東面駛入車站月台。嗰陣時嘅鐵路路線沿住梳士巴利道同漆咸道行,路軌側邊已經係海岸線所在。

出面網頁