尹笑聲（粵拼：wan5 siu3 sing1，簡化字：尹笑声；1938年—2018年12月8號），藝名小傻子，係中國大陸相聲演員，天津人。佢7歲加入相聲界，第二年喺天津南市連興茶表演時一夜成名。期間亦參加過抗美援朝嘅慰問團到前線搞慰問演出直到戰事結束為止。1956年加入中華人民共和國解放軍，先後到山西同兩河地區做過騷，亦喺1962年加入大連曲藝團。不過喺文革爆發之後一直冇上過臺做騷，直到1990年代尾先至復出。期間亦演過好多部京戲而出名。
尹笑聲喺2018年12月8號喺天津死咗，終年80歲。
