層遞

層遞，又叫遞進，係種修辭手法，即係指順住次序排幾個，含有 有比例關係嘅嘢 嘅子句。比例關係可以係大細、遠近、高低、強弱、重要性等。

層遞將意思一重又一重噉展現出來，可以將論點闡述得更為精細透徹，促成文章氣勢嘅流動順暢，令到說理或者敘事有一氣呵成嘅效果。

層遞成日會同頂真、排比一齊用。

用法

遞升

遞升係指將一樣嘢，由小嘅數到去大嘅，例如由細至大、由少至多、由低至高、由近至遠等等。

例子

• 一而十，十而百，百而千，千而萬。
  • 一比十細，十比百細，百比千細，千比萬細，如果由一數到萬，咁就係遞升入面嘅「由細至大」。

遞降

遞降就同遞升倒轉，係指將一啲野，由大嘅數到去細嘅，例如由大至細、由多至少、由高至低、由遠至近等，甚至連路線都係可以用遞降。

例子

• 古之欲明明德於天下者，先治其國；欲治其國者，先齊其家；欲齊其家者，先修其身；欲修其身者，先正其心；欲正其心者，先誠其意；欲誠其意者，先致其知。
  • 國家係最重要嘅，所以放響最前；其後嘅嘢係跟次序咁數落去，呢個就係遞降入面嘅「由大至細」。

睇埋

• 頂真
• 排比