崙頭-生物島-大學城隧道

 崙頭-生物島-大學城隧道粵拼leon4 tau4 sang1 mat6 dou2 daai6 hok6 sing4 seoi6 dou6中國廣東省廣州市海珠區崙頭官洲同埋大學城三個地方接埋一齊嘅其中一條隧道。

落成時間 編輯

呢條隧道係喺2005年10月開始喐手,2010年6月1號完工,2010年9月1號通車[1]

長度 編輯

長度大概2448.568米,雙向四車道。

歷史 編輯

喺呢條橋起好之前,市民從海珠區崙頭嗰邊去到廣州大學城嗰邊或者係官洲島,都要坐船先過到去,即使係廣珠高速公路或者係地鐵4號線開通都係好麻煩(因為廣珠高速公路喺官洲島嗰邊係冇出口嘅),係要行到新洲碼頭坐船去到長洲島再行返轉頭,或者係行到萬勝圍站坐地鐵先至可以去到大學城同埋官洲島,呢個唔單止路程遠,重要嗮好多時間。所以廣州市政府決定起呢條隧道嚟解決市民出行難嘅問題。喺呢條隧道開通咗之後,唔單止將生物島入面嘅路網同埋廣州市區嘅主要幹道都接埋一齊,重將崙頭同埋官洲島、大學城三個地方都加咗一條地面通道。喺呢條隧道開通咗之後,已經解決咗廣州東邊嘅官洲島成日冇地面馬路行車嘅問題。重有呢條隧道重係接埋大學城入面嘅9個亞運場館嘅重要通道。

事件 編輯

自從大學城西南邊嘅小洲便橋因爲係危橋喺2014年3月4號封閉咗之後,搞到好多喺大學城讀書嘅學生同埋喺大學城入面住嘅當地居民出入唔方便,要兜好遠嘅路先至出到市區。喺封咗橋呢幾日,有好多踹(jaai2單車嘅市民成日嚟逼爆呢條隧道,同啲汽車嚟爭位搞到好多人都話擔心。所以拜客廣州就計劃向交通部門建議喺隧道嘅出入方向都開一條臨時嘅單車路畀人方便踹單車入去或者係出去大學城同埋官洲島[2]。後嚟呢單嘢直到2014年8月20號嘅小洲便橋重新開放之後取消[3]

編輯

  1. 好消息:崙頭-生物島-大學城隧道9月1日通車 互聯網檔案館歸檔,歸檔日期2016年3月5號,. 中山大學藥學院
  2. 廣州日報 (2014-03-25). 官洲隧道單車和大巴搶道. 原著喺2014-03-25歸檔. 喺2014-03-25搵到.
  3. 小洲便桥明日通车 互聯網檔案館歸檔,歸檔日期2020年7月19號,. 南都网 (2014-08-20)