開主選單

座標: 23°4′6″N 113°22′10″E / 23.06833°N 113.36944°E / 23.06833; 113.36944

官洲粵拼gun1 zau1英文Dove Island)係珠江後航道嘅一個仔,成個島一千八百萬方。東南面同小谷圍隔住官洲河,西北面同崙頭村隔住崙頭海。島上面有,村民主要姓

喺1999年,廣州市人民政府決定,將官洲起成廣州國際生物島,起到半路就發現咗五座墓響度,而呢個工程喺2008年10月15號開始逳手,2011年7月8號開放。

官洲古村風貌
官洲 華帝古廟

以前,小谷圍設咗海關,檢查出入嘅船隻。當時規定海關官員住喺小谷圍對住嘅島,所以呢個島就叫「官洲」。南宋嗰時,陳姓族人由南雄珠璣巷遷到爾道,官洲正式開村。嗰時官洲地區非常落後,一直冇橋樑、隧道同地鐵等其它對外交通可以入去呢個島,俾嗰時啲人笑佢做「廣州嘅海南島」。而村民凈靠崙頭附近嘅輪渡先可以入到呢個島。

受到1997年成功搞出克隆羊多利嘅影響而搞生物嘅高新技術產業,結果全球各地開始效仿搞生物園區。1999年4月,廣東新綠洲生物技術研究所接待緊廣州市人民政府領導時,話要喺廣州海珠區嘅官洲搞生物島,結果俾官方同意咗。1999年8月開始納入規劃,2000年12月重俾國家計委批准咗。2001年9月重將個島畀咗黃埔區睇實,參照廣州科學城模式嚟開發,但因為拆遷同唔夠錢,加上規劃未搞掂嘅問題,直到2004年嘅大學城搞好之後先至開始喐手搞。

初期雖然開發區團隊喺官洲搞咗辦公室而加快開發官洲,但嗰時交通超唔方便,最初凈得4人嚟辦公。啲人一大早要坐90分鐘船先至到個島,落班之後要天都黑嗮先可以返到科學城。

2005年3月,官洲第一個正式對外交通——連接科韻路崙頭-生物島-大學城隧道正式開搞;同年6月重喺島南邊起好連接瀛洲同官洲嘅便橋,同年12月重將4號綫開埋入嚟。之後重搞咗綠道同幾間濕地、山體公園響度。直到2008年底起好嗮安置小區之後,先至將官洲渡口取消咗,個島先開始搞大規模施工。直到2010年亞運會開幕前先至搞掂嗮個綠道,隨後好多個設施喺2011年初都搞掂,2011年7月9號正式開島[1]

分佈同特色

街約分佈

官洲村由官洲中部嘅里巷(由義、居仁、居由、桂林、翔北、儒山、西華)、西約同北約組成。官洲村本體位於官洲中南部,全村成平面三角形,坐西北向東南;官洲北約又嗌「繒棚」,原本係水上居民聚居嘅地方,渠哋以捕魚為生,喺江堤搭木棚住,家家戶戶都掛住魚繒,所以就嗌「繒棚」。

民居特色

村裏面有百二座清朝民居,特徵係三間兩廊,用花崗石做牆腳、門楣、門框、窗框,水磨青磚做牆,建築裝飾有磚雕、灰雕、灰塑圖案。幾乎每家都有水井

古蹟

 
官洲 歷史建築
  • 官渡亭
  • 華帝古廟
  • 居仁里門樓
  • 由義里門樓
  • 水月宮
  • 陳氏大宗祠
  • 觀德陳公祠
  • 德勝陳公祠
  • 觀生陳公祠
  • 桂林里門樓
  • 官洲古井
 
1861年英國地圖裡面嘅官洲

交通

地鐵

巴士

  • 第三巴士公司 353路
  • 公眾假期5路

隧道