崩紗 (小食)

大良崩紗（粵音：daai6 loeng4 bang1 saa1）係種小食，用麵粉加水、蛋、糖搓成崩紗形，然後用油炸到金黃色，噉樣整出來嘅。

崩紗起源順德大良，因為形似蝴蝶，舊陣時蝴蝶廣東話叫「崩紗」，所以有呢個名。

故仔

睇埋：百越人

崩紗個名嘅起源，查實有段故：喺廣東話入面，蝴蝶有個舊名叫做 bang1 saa1，用漢字寫一般會寫做𧌇䖢或者崩紗。

呢隻詞據講嚟自百越人嘅語言嘅，但到咗家吓，已經幾乎冇人仲會用嚟指蝴蝶，但係就俾人攞咗嚟指第樣嘢－大良崩紗。大良崩紗簡稱崩紗，由大良人梁成章喺 1788 年（清朝時代）喺佢嗰間「成記」油炸店創製。呢種小食嘅整法係用糖同鹽將麵團製成片，折卷之後就切同捏成蝴蝶噉嘅形狀，再用油炸。打後經過李禧同佢啲後人嘅繼承、發揚、同改進，到咗廿一世紀形成咗「李禧記」嘅老字號崩紗－ bang1 saa1 呢個古老嘅字並冇消失，只不過係個意思變咗。

• 
  李禧記崩紗

睇埋

• 蝴蝶
• 粵菜