嶺南印象園

嶺南印象園（粵拼：ling5 naam4 jan3 zoeng6 jyun4）係中國廣東省廣州市嘅一間有觀光、娛樂、餐飲、買嘢同體驗嶺南鄉土風情同民俗文化嘅大型綜合性國家AAAA級旅遊景區，喺番禺區大學城東南邊，大學城外環西路同大學城廣工一路嘅交界嗰頭。

風格編輯

嶺南印象園入面嘅民居都靠住水嚟起。有時窄門高屋或鑊耳屋。入面有好長嘅青雲巷，重有比較古老嘅趟櫳門、蠔殼墻、滿洲窗、清嘅山塘、重有好多條溪流，幾有嶺南風味特色。

嶺南印象園有好多種地道嘅嶺南美食，幾乎行勻成個嶺南；重有出現好多1990年代港式風情嘅嘢。入面聚集咗好多廣東非物質文化遺產——廣繡、珠繡、廣彩、木雕、欖核雕、牙雕同灰雕等，重專門開咗嶺南學堂整皮影、粵劇面譜等。呢間園區入面重有《印象嶺南》嘅大表演節目畀人睇。