差館里

差館里（英文：Station Lane），係香港九龍紅磡嘅一條單線東行馬路，同蕪湖街平行。條路大致上分開咗三截喺行車上無法互相通行嘅車路，第一截由船澳街開始到馬頭圍道；第二截由馬頭圍道到機利士南路，係差館里最長嘅一截，喺2000年代之前曾經同第一截嘅差館里相通，後來由於馬頭圍道一方嘅斑馬線向南修改之後，嗰度嘅十字路口中間就起咗個路壆同鐵欄隔開兩截，令行人定駕駛者從此再無法直接橫過該十字路口去另一截嘅差館里；而第三截因為就係一條掘頭路，駕駛者只能夠由獲嘉道北段駛入去，靠近機利士南路嘅掘頭路一帶係一個用嚟俾駕駛者折返嘅迴旋處，另一面掘頭路就有條樓梯可以俾行人駁去平治街。