布魯斯半島

加拿大安大略省南部地圖，紅色區域即係布魯斯半島。

布魯斯半島度嘅尼亞加拉陡崖，布魯斯半島國家公園影。

布魯斯半島（粵拼：bou³ lou⁵ si¹ bun³ dou²，英文：Bruce Peninsula，法文：Péninsule Bruce）又叫做索金半島（粵拼：sok³ gam¹ bun³ dou²，英文：Saugeen Peninsula，法文：Péninsule Saugeen）係加拿大安大略省西南部一個半島，向西北面嘅馬尼圖連島伸入曉倫湖100公里倒，將東邊嘅佐治亞灣從西邊嘅曉倫湖分隔，同馬尼圖林島之間嘅海峽係佐治亞灣連接曉倫湖最大嘅海峽。東岸陡峭，高出湖面60～150米；西岸坡度徐緩。布魯斯半島度有尼亞加拉陡崖北部嘅延伸部分。

布魯斯半島係露營、徒步、釣魚、旅遊嘅著名目的地，有布魯斯半島國家公園、布魯斯半島鳥類觀測所同埋好幾個自然保護區，周圍水域仲有五潯國家海洋公園。布魯斯徑貫穿布魯斯半島，北到托伯莫里結束。個半島屬布魯斯縣管轄，有托伯莫里、奧雲港同懷爾頓等社區。

布魯斯半島對於野生動植物來講係一個關鍵地區，屬於尼亞加拉陡崖世界生物圈保護區，保留咗安省南部最大片剩低嘅自然森林、棲息地同埋北美洲東部啲最古老嘅樹木。個半島係一個遷徙雀類嘅重要路徑一部份，仲有美洲黑熊、密西沙加眼鏡蛇、橫斑林鴞等好多種動物。

燈塔

布魯斯半島嘅沿岸有好幾座燈塔。

球夫島燈塔（Cove Island Light）喺托伯莫里附近，係著名六個「帝國」燈塔嘅其中之一個。嗰六個燈塔於1850年代由莊·布朗（John Brown）喺布魯斯半島北部同附近啲島度起。

球夫島燈塔

其他嘅燈塔仲有：

• 獅子頭燈塔（Lion's Head Lighthouse）
• 花樽島燈塔（Flowerpot Island）
• 大盤燈塔 （Big Tub Lighthouse）
• 刀島同萊爾島燈塔（Knife & Lyal Island Lighthouse）
• 卡羅爾角燈塔（Cape Croker Lighthouse）
• 卡博特角燈塔（Cabot Head Lighthouse）

社區

布魯斯半島嘅行政係由北布魯斯半島（Northern Bruce Peninsula）同南布魯斯半島（South Bruce Peninsula）兩個自治體構成，兩個自治體都屬於布魯斯縣。

哩兩個自治體度啲主要社區如下：

• 托伯莫里（Tobermory）， 位於布魯斯半島嘅北端。有個供 MS Chi-Cheemaun 客車渡輪上岸嘅上岸點，附近有布魯斯半島國國家公園同五潯國家海洋公園。哩個港口村有幾個藝術館、遊客禮品店仲有一個歷史性燈塔。
• 獅子頭（Lion's Head），位於布魯斯半島中部佐治亞灣岸。有個公用船塢仔同片沙灘。
• 懷爾頓（Wiarton），位於半島嘅南部，懷爾頓·威利（Wiarton Willie）嗰度。
• 梳布爾沙灘（Sauble Beach），位於布魯斯半島南部，超過7英里長（11 km）。

睇埋

• 安大略半島
• 安大略省西南部
• 曉倫湖
• 馬尼圖林島
• 尼亞拉加半島
• 安大略省

出邊鏈接

• 布魯斯半島旅遊指南（互聯網檔案館嘅版面存檔備份）
• 布魯斯半島旅遊官方網站（互聯網檔案館嘅版面存檔備份）
• 布魯斯半島鳥類觀測所（互聯網檔案館嘅版面存檔備份）
• 布魯斯半島中文旅遊網站（互聯網檔案館嘅版面存檔備份）