帶職參選

帶職參選係臺灣一個政治術語，意思係指一啲政治人物，喺未有辭職之下參選其他職位，一般參選嘅職位，都會被視為高本來位置一級，例如係立委帶職參選縣市長，或者市長帶職參選正副總統。呢個做法喺台灣已經引起爭議。

有啲帶職參選嘅人去到咁上下，會辭去職務，展現破釜沉舟決心，不過亦有啲立委帶職參選，並順利當選地方首長，或者選輸咗繼續立委職務嘅案例。

對於市長帶職參選正副總統，有啲人會形容佢哋係「落跑市長」。

部分帶職參選引起爭議嘅案例

• 2020年台灣總統選舉入面，代表國民黨參選嘅韓國瑜，本來係高雄市長，但就帶職參選無辭職，當時就引起朝野攻訐。
• 韓國瑜罷免案被通過後嘅高雄市長補選入面，國民黨李眉蓁同埋民眾黨徵召又擁有親民黨籍嘅吳益政，都被質疑帶職參選。

政黨同政評人士嘅觀點

國民黨

• 韓國瑜罷免案被通過後，時代力量黃國昌曾經公開表示支持禁止帶職參選，但國民黨張亞中就話黃國昌頭腦唔清楚，唔熟憲法。

民進黨

• 桃園市議員王浩宇喺2020年6月嘅時候評論高雄市長補選兩名他黨候選人帶職參選嘅時候，表示認為咁做無必要，又話世界各地都有先例，例如奧巴馬同朴槿惠參選總統嗰陣都係有國會議員身份。

時代力量

• 時代力量黨內規範政治人物唔可以帶職參選，徐永明表示希望呢個可以變成台灣選舉制度嘅一環。
• 前立委黃國昌、立委陳椒華都曾經公開反對帶職參選。

台灣民眾黨

• 台灣民眾黨喺2019年10月曾經喺Facebook發佈宣傳，質疑帶職參選唔係好嘅政治文化。但去到2022年，民眾黨內部又改變做法容許黨員咁做，有啲人就形容黨主席柯文哲反對「帶職參選」嘅迴力鏢，寫返自己轉頭。不時喺網上面討論民眾黨嘅網絡紅人四叉貓亦同時翻舊帳。

其他人

• 時事評論員溫朗東認為，做咗幾屆先去帶職參選，同做咗幾個月就去選總統，後者嚴重程度高好多。不過，對於立法禁止帶職參選，佢就認為法理上好難講得通，比較合理做法係要求呢啲帶職參選人士繳回一部份原職位嘅選舉補助款同薪資。