幽靈人口

幽靈人口係一種選舉種票嘅方法，即係話喺選舉投票嗰日，突然多咗好多唔係住喺個選區嘅人嚟投票，呢啲唔知邊度嚟嘅人投嘅票，最後令某一個候選人當選。

幽靈人口現象編輯

幽靈人口即係話一啲人佢本身唔係住喺一個選區，但佢登記個地址就喺個選區度，由於呢啲人根本唔係住喺嗰度，投票時都唔會關心選出嚟嘅人係咪適合。好多時係由一啲有勢力同動員力強嘅政治組織，發覺選情唔對路時，就會動員啲人改地址，即係話一戶入面，原本間房最多只係住到四五個人，但登記戶籍嘅人就有成十幾廿人，而且人人唔同姓咁，即係話啲人唔需要真係搬去住，只係喺投票嗰日，根據指示去投指定嘅人一票，達到影響選舉結果嘅目的。