康定

  想搵北宋年號嘅話，請睇康定 (年號)。

中華人民共和國 > 四川省 > 甘孜藏族自治州 > 康定市

康定（粵拼：hong1 ding6）係中國一地，家下係四川省一市，歸入甘孜藏族自治州。康定舊稱打箭爐，來自藏文塔鎮多（དར་རྩེ་མདོ།，拼音dar-rtse-mdo或Darzêdo；簡稱དར་མདོ།，拼音dar mdo或Tando）。縣治爐城鎮。民國時係西康省城。貢嘎山部份喺康定境內。康定又以民歌《康定情歌》而聞名。

康定

地理

康定喺瀘河之上，河大渡河支流。沿河係蜀入藏古道。

史

康定一帶，元朝時係土官所治。設長河西千戶、長河西招討司。大明係正魚通各土司之地。永樂五年（1407年）正式敕封「長河西魚通寧遠宣慰」司，世襲其職，管長河西、魚通、寧遠。崇禎十二年（1639年）固始汗部喺土司境設置營官，形成營官、土司雙重統治。大清康熙五年（1666年），重新認定土司。雍正年間，置「打箭爐廳」，光諸年間，升做直隸廳，之後再改爲「康定府」。中華民國設西康省，定康定爲省城。

史上，康定係中土同藏區貿易集散地，內通西藏，係川藏「茶馬互市」嘅經濟中心。

話

康定多民雜處，有藏、唐、羌、回、彝。當地藏話係康方言同安多方言、木雅話以及貴瓊話。

行政

現時康定縣分三鎮十八鄉。鎮有爐城鎮、姑咱鎮、新都橋鎮。鄉有雅拉鄉、時濟鄉、前溪鄉、捨聯鄉、麥崩鄉、三合鄉、金湯鄉、捧塔鄉、沙德鄉、貢嘎山鄉、普沙絨鄉、吉居鄉、瓦澤鄉、呷巴鄉、甲根壩鄉、朋布西鄉、塔公鄉、孔玉鄉。

參攷

• 〈魚通〉。