廉政公署公務酬酢、餽贈及外訪規管制度和程序獨立檢討委員會
廉政公署公務酬酢、餽贈及外訪規管制度和程序獨立檢討委員會（英文：Independent Review Committee on ICAC's Regulatory Systems and Procedures for handling Official Entertainment, Gifts and Duty Visits）係香港政府嘅諮詢委員會[1]，喺2013年5月成立。委員會係獨立於廉政公署嘅非法定諮詢組織，專門就廉政公署執行公務期間所接受嘅酬酢與餽贈，以及外訪期間所接受嘅款待進行覆核檢討[2]，並就完善申報制度嘅措施提出建議[3]，以期喺湯顯明任廉政專員時收受餽贈及濫用公款嘅醜聞發生之後[4]，能夠重建廉政公署嘅公信力[5]。
| 廉政公署公務酬酢、餽贈及外訪規管制度和程序獨立檢討委員會 | |
|---|---|
| 創立時間 | 2013年5月2日 |
| 性質 | 非法定組織 |
| 總部 |  香港 |
| 主席 | 周松崗 |
組成
編輯獨立檢討委員會由四名成員組成，全部由香港特別行政區行政長官委任。
主席：
委員：
職能
編輯獨立檢討委員會直接向行政長官負責，並提交檢討報告，除咗法律上嘅考慮，委員會嘅報告將會公開。
以下係委員會嘅工作範圍：
- 檢討廉政公署處理公務酬酢、餽贈及外訪開支嘅規管制度和程序，包括申請、報銷同審批嘅安排。
- 覆核廉政公署各級人員喺上任廉政專員任期內，喺規管制度同程序下嘅符合規定情況。
- 就任何有助改善規管制度嘅程序和措施提出建議。
參考
編輯- ↑ 〈政府成立廉政公署公務酬酢、餽贈及外訪規管制度和程序獨立檢討委員會〉。香港政府新聞公報。2013-05-02。
- ↑ 〈政府成立廉署酬酢獨立檢討委員會覆核湯顯明符規情況〉。商業電台。2013-05-02。原著喺2018-04-04歸檔。喺2018-05-01搵到。
- ↑ 〈落實建議 重建廉署公信力〉。香港政府新聞網。2014-02-19。
- ↑ 〈前廉政专员汤显明涉滥用公款 港府设独立委员会查〉。大公報。2013-05-03。原著喺2018-04-04歸檔。喺2018-05-01搵到。
- ↑ 〈梁振英設檢委會查廉署大花筒〉。星島日報。2013-05-03。原著喺2020-03-16歸檔。喺2018-05-01搵到。