廟頭
廟頭（粵拼：miu2 tau4）係中國廣東廣州嘅地名，喺黃埔區，東邊靠南灣村；南邊靠珠江嘅大蠔沙；西邊靠廣江路；北邊靠龍頭山森林公園。而家屬穗東街道。
古仔
編輯仙人羅隱從北邊趕咗一堆仙羊到龍頭山後，俾南海神變成石頭唔畀入江填海同塞住珠江水流。
史
編輯個村舊時嗌古鬦，又嗌永泰，喺大晉時期開村。初期未組成村時嗌南海鎮，係廣州東邊嘅經濟、政治、文化同軍事中心。後嚟南海縣治搬入廣州後改名做扶胥鎮。唐宋時期係廣州古代海上絲綢之路嘅發源地，亦係中國海事管理嘅誕生地。後嚟村東南邊嘅戙旗岡阻住獅子洋涌啲風浪，形成咗天然避風港——黃木灣，個鎮從而發展成廣州城外八大鎮之一，重以航運同商貿發達而出名。
雖然到大元之後因河道淤塞，海港向西移到黃埔洲，鎮墟逐漸變成農耕嘅鄉下地區，但因為南海神廟重響度，加上菠蘿誕又比較旺，所以廟頭嘅經濟同文化都冇墮落。大清時期，番禺鹿部司署嚟過呢度駐兵。中華民國嘅抗日戰爭時期，雖然日軍入侵過呢度附近，但俾村民殺死嗮。第二次國共內戰期間，共產黨地下組織成日喺呢個村出現。