廣島市

廣島市（日文：広島市）係廣島縣嘅縣廳所在地，毛利氏入府以嚟就係日本地方嘅最大城市。廣島市係世界上第一個俾人用原子彈炸嘅城市。

廣島市

歷史

毛利元就個首都就係廣島城。半個世紀之後，佢個孫仔同埋西軍領袖毛利輝元喺關原之戰（関ヶ原の戦い）輸咗。羸咗嘅德川家康就攞咗毛利輝元好多嘅地方，包括廣島市。

喺中日甲午戰爭，廣島市做咗日軍嘅主要供給同埋後勤基地，直至到二次大戰。

原子彈爆炸

1945年8月6號，美國空軍 B-29 轟炸機喺廣島掟咗原子彈「細路仔」。呢款轟炸機係特別改裝過，可以帶原子彈之後掟落去。估計有71,379個市民死咗，廣島受到好大嘅破壞。加埋第二粒掟落長崎市嘅原子彈，日本喺長崎炸咗之後嘅第六日就投降。