廣州大學
呢篇嘢講嘅係廣州地區喺1927年開辦嘅名牌大學。
- 想搵廣州地區有乜嘢大學，請睇「廣州大學一覽」。
- 想搵屬下嘅學校或教育培訓機構，請睇「廣州大學 (搞清楚)」。
廣州大學（粵拼：gwong2 zau1 daai6 hok6；英文：Guangzhou University），簡稱廣大（gwong2 daai6），係中國廣東廣州嘅正式大學，1927年開辦，有兩個校區。
| 廣州大學 | |
|---|---|
| Guangzhou University | |
| 校訓 | 博學篤行 與時俱進 |
| 開辦 | 1927年 |
| 類型 | 公立 |
| 校址 | 桂花崗校區：越秀區桂花路1號 大學城校區：番禺區廣州大學城外環西路230號 |
| 網站 | 官方網站：http://www.gzhu.edu.cn 認證平臺：http://my.gzhu.edu.cn |
兩個校區嘅詳細位置
編輯史
編輯學校喺民國16年（1927年）開辦，但無耐因戰亂而停辦，直到1953年開辦廣州教育學院為止。1958年8月正式成立咗廣州師範學院，3年後佢同廣東師範學院合併，之後學校規模逐漸衰落到1964年7月停辦。而廣州市建築工程局業餘工程學院喺1960年開辦，雖然喺1964年俾國家教育部批准咗備案，但開辦咗2年後，因文革破四舊浪潮而停辦，1973年復辦兼改咗嗌「七二一工人大學」。1975年，廣州市聯合職工大學紡織學院正式成立。1978年12月，廣州師範學院復辦。1980年，原先嘅七二一工人大學改名做廣州市建築工程局職工大學。時隔3年，廣州職業大學正式成立，重喺2年後加開咗廣州高等師範專科學校，同年，廣州市建築工程局職工大學同聯合職工大學紡織學院先後改名做廣州市建築總公司職工大學同廣州紡織工業職工大學。1987年1月成立咗廣州城市建設學院，重喺1991年成立華南建設學院。但好景唔長，1995年4月華南建設學院東校區同廣州市城建職工大學從廣州大學分出去，同廣東工學院、廣東機械學院合併成廣東工業大學。2000年又將原有嘅8間學院合併嗮，變成而家嘅廣州大學。2004年初新開咗大學城校區。