廣州市政府
呢篇文講民國創立嘅第一個市級管治機構。想搵繼任單位嘅話，請睇廣州市人民政府。廣州市政府，係由中華民國國民政府時期始，喺廣州市建立起嘅最高地方行政機構。民國14年（1925年）7月4號由廣州市政廳改組，先後直屬廣州、南京國民政府管轄。
沿革 編輯
民國7年（1918年）10月22號先成立咗「廣州市政公所」，31號改咗叫廣州市市政公所，係廣東省負責管理廣州市政嘅專門機構，行政區劃上廣州仲由歸番禺、南海兩縣管轄。民國10年（1921年）2月15號廣州正式設市，開創咗中華民國嘅都市建制嘅先河。「廣州市政廳」成咗廣州市嘅行政機關，下設教育局等6局及總務科。
民國14年（1925年）7月4號廣州市政廳改組成「廣州市市政府」。民國18年（1929年）10月，廣州市改叫廣州特別市，直屬國民政府，廣州市政府喺第年1月15號改名「廣州特別市政府」；同年8月18號改返「廣州市政府」，係廣東省轄市。民國27年（1938年）10月21號，日軍侵佔廣州，廣州市政府先後撤去咗廣東省廣寧縣、廣西省懷集縣（而家歸屬廣東省）、廣東省興寧縣。民國34年（1945年）8月光復後，廣州市政府返到去廣州市原址辦公。民國36年（1947年）7月1號，廣州市再次改成行政院轄市。直至民國38年（1949年）10月14號，中國人民解放軍進入廣州為止。
創始情況 編輯
首屆市長孫科係孫文之子，係美國加州大學市政科畢業生；市政廳屬下工務、衛生、教育、公安、財政、公用六局，局長三人係美國留學生，兩人係日本留學生，一人係法國留學生，所以時人評價市府係「洋化機關」[1]。市政廳一般職員中都有20幾人有西方大學教育背景，政府中受過中高等教育嘅就佔有89%。因此時人話：「廣州市長局長，盡留學專門家，其他職員有專門學識者至百分之八十以上，其汲引新人才，可謂至矣」。
機構發展歷程 編輯
民國14年（1925年）市政府成立時，下轄公安、財政、衛生、教育、工務5局，設有秘書及總務科。公用局撤銷後，啲職權由財政、工務兩局分別接手。
民國15年（1926年）6月11號，工務局電話所改做市政府直屬機構。8月2號成立咗「廣州市土地局」。10月1號成立咗「廣州市政府印刷所」。
民國16年（1927年）1月31號，廣州市電話所劃歸交通部管理，6月8號畀返廣州市政府管理；同月成立咗「廣州市市政府購料委員會」。7月8號開返市公用局，市電話所畀渠管埋。10月1號「廣州市立銀行」正式開業。10月10號，市政府印刷所同廣州市土地局下屬嘅土地日報社合埋成咗「廣州市政日報社」，係市政府嘅直轄機構。12月1號成立咗「廣州市政廳調查統計委員會」。12月8號成立咗「廣州市公益局」；同月市政府購料委員會停止辦公。
民國17年（1928年）1月7號撤銷咗市公益局、市政廳調查統計委員會。1月17號市政府購料委員會恢復辦公。7月市政日報社改成「廣州日日新聞社」。11月1號，普濟三院、市立貧民教養院、市立盲人學院合埋一齊做「廣州市貧民教養院」，係市政府嘅直轄機構。呢個月仲成立埋「廣州市市營事業經理專員辦事處」。12 月成立咗「廣州市城市設計委員會」。
民國18年1月10號，成立咗「廣州市自來水管理委員會」，將自來水公司交由呢個委員會管理。7月1日成立咗「廣州市政府審核委員會」。8月1號，成立咗廣州市自動電話管理委員會。9月1號，市政府改組內部機構，撤銷咗總務科，分設第一、第二科。9月11號，成立咗「廣州市社會局」，市貧民教養院交由社會局管轄。12月31號，廣東交涉署撤銷，由市政府接管辦理廣州市對外交涉、發放護照等事務；同日，市政府審核委員會、廣州市城市設計委員會都撤銷埋。
民國19年（1930年）8月11號，政府為整頓廣州電力公司，成立咗廣州特別市電力整頓委員會，隸屬市政府。12月撤銷咗市營事業經理專員辦事處。
民國20年7月30號成立咗廣州市政府協助地方自治委員會。呢個月撤銷咗市政府購料委員會。
民國21年2月，廣州市城市設計委員會重新搞返。3 月1 號，廣州市政日報社改叫廣州市民日報社。7月8日，撤銷咗廣州市電力整頓委員會，改成立市電力管理委員會。
民國22年6月1號，撤銷咗市自來水管理委員會，改成立廣州市自來水管理處。9月，廣州市城市設計委員會改組成廣州市設計委員會。
民國23年1月12號，成立咗廣州市辟路審定委員會，同市設計委員會合署辦公。4月21號，市電力管理委員會改成廣州市電力管理處。10月成立咗廣州市土地徵收審查委員會。
民國25年1月16號成立咗廣州市市營事業審核委員會。8月10號，撤銷市公用局，市工務局接管業務。8月14日，撤銷市教育局，市社會局接手業務辦理。9月16日整返市政府購料委員會。9月23號，市自動電話管理委員會改成廣州市電話管理處。10月成立咗廣州市政府保甲編查處。11月成立咗廣州市無軌電車籌備委員會。12月1日成立咗廣州市交通管理處。
民國26年6月，市土地局改叫廣州市地政局。
民國27年10月21號，市政府撤至廣東省廣寧縣、廣西省懷集縣，設市政府保管委員會負責保管財物，其他機構均名存實亡。
民國34年光復後，9月18號市政府返到咗廣州市原址辦公，所屬機構陸續恢復，計有：市社會局、市警察局、市財政局、市教育局、市地政局、市工務局、市公用局、市衛生局、市自來水管理處、市電力管理處、市自動電話管理處、市銀行；市政府內設機構有：秘書處、民政處、參事室、會計室、統計室、人事室。
民國35年3月1號。根據當局新嘅組織規程及編制，市政府增加咗廣州市政府軍事科；市政府民政處改成市政府民政科；撤銷市教育局、市公用局，市工務局、市社會局分別接手啲業務辦理。6月14號搞返咗市教育局。7月，成立咗廣州市政府田糧科；市電力管理處、行政院資源委員會合組廣州電廠。下半年仲成立埋廣州市稅捐徵收處、廣州市政府設計考核委員會。
民國36年7月1號，廣州市再次改成行政院轄市，市政府所屬各機構唔變。10月1號設返市公用局；撤銷咗市政府軍事科、市政府民政科，成立咗廣州市民政局；市稅捐征收處改由市財政局管理；撤銷咗市政府田糧科。
民國37年6月11號，市政府秘書處第三科擴組成廣州市政府新聞處；市政府會計室改做廣州市政府會計處。
歷任廣州市政府市長 編輯
參考 編輯
- ↑ 程天固回憶錄 程天固
前任： 廣州市政廳
|
廣州市最高行政機構 1925年7月4號－1930年1月15號； 1930年8月18號－1949年10月 |
繼任： 廣州特別市政府
|
前任：.svg){kind=small} 廣州特別市政府
|
繼任： 廣州特別市公署
| |
| 前任： 汪氏廣州特別市政府
|
繼任： 廣州市人民政府
|