中華民國國民政府 (日本)

(由汪兆銘政權跳轉過嚟)

中華民國國民政府,係日本侵華嗰陣,喺佔領區成立嘅政府,由大日本帝國控制,汪精衞主持,定都南京。政府一九四〇年成立,佢與日本打仗,由蔣介石主持,已西遷重慶中華民國國民政府打對抗。由於佢傀儡政權本質,並非完全自主,因而有汪精衞政權汪兆銘政權南京政權汪偽政府南京汪偽國民政府等等。投靠日本嘅中國國民黨黨員,都依附依個政府。一九四五年,第二次世界大戰終結,日本戰敗,此政府亦隨之瓦解。

國旗
1941年汪兆銘接待納粹德國官員

汪精衞係國民黨重要人物,係南京政府嘅靈魂人物。佢之所投日,理由眾說紛芸。最出名嘅說法係認爲中華民國敵唔過日本,爲咗保護佔領區下國民而做,因為日本帝國、納粹德國同意大利王國為首嘅軸心國承認佢嘅政權,但英國美國為首嘅同盟國唔承認,如果盟軍輸咗畀軸心國,佢可以代替國民政府,佢代表嘅中國仍然為戰勝國一員。亦有說係認爲係同蔣介石不和而出走。汪精衞主持政府,到一九四四年病死日本,未見到日本戰敗。佢死後事務,由陳公博周佛海負責。

政府雖然傀儡政權,但喺汪精衞之下,仍有相當自主權,德國、意大利同日本承認此國,其它軸心國成員亦承認此國係唯一嘅合法中國政府。同埋有外交領事駐喺各軸心國成員國,呢個政府亦和平收回外國同日本喺中國嘅租界