廣州市第一工人文化宮

 廣州市第一工人文化宮（粵拼：gwong2 zau1 si5 dai6 jat1 gung1 jan4 man4 faa3 gong1） ，又叫廣州市工人文化宮gwong2 zau1 si5 gung1 jan4 man4 faa3 gong1，廣州當地簡稱做市一宮si5 jat1 gung1，係中國廣東省廣州市嘅工人文化宮，喺1950年起，1951年5月1號起好兼正式對外開放，位置喺越秀區文明路65號（側門喺文德路一帶）。呢間工人文化宮係廣州市最早嘅職工活動陣地。

廣州市第一工人文化宮嘅南門

呢間嘢之前係廣府學宮。曾經喺2002年俾中華人民共和國文化部列佢做全國文化工作先進集體嘅稱呼。

敘述

工人文化宮嘅佔地面積有8700㎡，建築面積：14285㎡。入面有華南地區最有活力、最受市民歡迎嘅老牌電影城。重有體育館、桌球廳、培訓學校、退休老工人之家、餐廳、賓館等活動場所。體育館有籃球、排球、羽毛球、乒乓波、武術、青少年街舞培訓等好多個活動項目。培訓學校整咗幫廣大工會會員同下崗職工技能提升、自我增值嘅初、中、高級電工、冷氣、冰箱、電腦、家電維修、書畫、文化補習等技能培訓班。另外重開咗細路嘅舞蹈、美術、音樂、形體培訓班、交誼舞、粵曲、結它培訓班等。宮入面嘅大院重整咗電影文化廣場同細型露天舞臺。

攷

• 广州市工人文化宫 天一网