廣州市第5中學

(由廣州市第五中學跳轉過嚟)

 廣州市第5中學粵拼gwong2 zau1 si5 dai6 ng5 zung1 hok6中國廣東省廣州市嘅一間中學,喺海珠區南村路32號。呢間學校係由廣州市政府喺1951年嚟辦嘅第一間公立中學。喺2003年9月份同廣州市第十九中學合併咗。

廣州市第5中學
Guangzhou No.5 Middle School
Guangzhou5hs crest logo.jpg
嚴格 勤奮 求實 創新
位置
南村路32號
明細
廣東省一級學校
校訓嚴格 勤奮 求實 創新
成立1951年
校區海珠區
級別初高中全日制
網站
廣州市第5中學嘅正門,呢間係五中嘅唯一一個校區。

介紹

而家嘅廣州市第五中學凈係得一個校區。佢嘅佔地面積係72269平方米,其中校舍嘅建築面積有47207平方米,而校園嘅綠化覆蓋率去到99% 。而且重有綠樹成蔭、鳥語花香、空氣清新、環境幽雅同春日綠道、秋日香氣嗰隻感覺,而校園嘅建築都排得幾有序吓,加上啲路都係四通八達。佢唔單止係國際化大都市入面嘅其中一笪綠洲,重係一座名副其實嘅花園式學校。

校徽

呢間學校嘅校徽就好似個正五邊形噉。不過佢同五邊形唔一樣,佢條邊係有小小弧形噉。入面有平小小弧形噉嘅五邊形,每個邊嘅中間剪咗嚿細嘅三角形出去噉。而顏色方面,出面嘅弧版五邊形係白底暗土黃色邊,而入面係嘅弧版,冇咗細嘅三角形仔嘅五邊形係紅底冇邊。喺校徽嘅紅底五邊形入面,中間有寫住「5」字同埋「Φ」字喺度;而下面係畫住橫豎穿咗兩頭嘅實心「凸」字噉;再下面就寫住「广州」兩個字響度;而且呢啲字同符號都係白色嘅。

校服色

 
廣州市第五中學嘅校服
廣州五中嘅校服
   
短袖

衫:

  • (男)        相間,冇領冇紐扣。袖口    ,兩袖同膊頭位都係    ,前後交界位帶幼    綫。正反面帶    底色。左右對稱。
  • (女)        相間,有領有紐扣。領同袖口都係        邊,兩袖同背面都係純    ,而正面中間位有兩條相平行嘅中等厚度    綫。

褲:

  • (男)    ,兩邊有條中等厚度    綫。
  • (女)    ,兩邊有條相平行嘅幼    綫。
長袖

            

喺1951年,呢間學校正式起好咗之後,就變咗中華人民共和國成立之後,廣州市人民政府辦嘅第一間公立中學。到咗1979年,重定咗海珠區嘅第一批重點中學,甚至喺1994年攞埋「廣東省一級學校」嘅稱號。喺2000年12月,呢間學校俾廣州市人民政府同埋海珠區人民政府定咗係全市24間首批創辦國家級示範性普通高中入面嘅其中一間學校。喺2003年9月,甚至重將廣州市第十九中學加埋入嚟,重實行咗擴招嘅工作。而2005年7月份,學校最後一屆初三學生畢咗業,之後成間學校就變咗高中部。而嗰時嘅東校區(後嚟攞咗19中校區嗰個)都畢埋業,後嚟東校區交返畀廣州市實驗技工學校[註 1]。雖然話五中喺2003年9月份開始唔收初中生,但係到咗2010年9月先至開始重新搞返初中招生。而金碧花園校區入面嘅五中就停止招生,之後嘅5中就變返完全中學。而之前金碧雅苑校區嘅5中,喺2011年9月先至畀返廣州市第九十七中學睺實,而金碧花園校區嗰度喺2012年,已經完全變成廣州市第九十七中學嘅其中一間學校。

點解出面嘅校區喺2003年開始,出現咗9年就全部冇嗮?

廣州市第五中學喺2003年同隔籬嘅十九中西校區合併之後,喺之前十九中校址(都喺南村路嘅五中斜對面)整咗東校區;而喺海珠區工業大道南金碧花園入面整咗初中校區,初中部搬嗮去金碧花園校區入面。但喺2011年9月,因為廣州市教育局重新調整過教育資源,結果金碧花園嘅校區就畀返九十七中,而2010學年開始喺五中讀書嘅初一生返嗮南村路校區讀。而2008、2009年入學初一生繼續讀到2010、2011學年結束(初中畢業)為止。而家金碧校區已經變咗九十七中高中部。至於舊時19中校區喺2005年9月就交返畀廣州市實驗技工學校,而嗰間技工學校喺2012年7月撤場,搬到從化神崗一帶,最後用地畀返本校兼喺2013年8月拆咗[1]

攞過嘅獎

呢間學校攞過以下呢啲獎:

  • 廣東省國家級示範性高中
  • 中華人民共和國國家級綠色表彰學校
  • 中華人民共和國青少年體育工作先進集體
  • 中華人民共和國開展足球運動先進單位
  • 中華人民共和國體育傳統專案學校先進單位
  • 中華人民共和國勤工儉學先進單位
  • 廣東省精神文明單位
  • 廣東省青少年科學教育特色學校
  • 廣東省群眾體育先進單位
  • 廣州市文明單位
  • 廣州市教育工作先進單位
  • 廣州市教育系統先進單位
  • 廣州市青少年科技活動先進單位

附近嘅交通

巴士:

  • 市二宮站

睇埋

註同攷

  1. 學校喺2012年因為廣東動漫城搞好而撤出,用地後嚟畀返5中,直到2013年拆咗為止。
  1. 睇下街景圖:2012年6月 互聯網檔案館歸檔,歸檔日期2015年3月31號,.2014年8月 互聯網檔案館歸檔,歸檔日期2015年3月31號,.。求先呢兩張就好明顯睇得出:2012年嗰時嘅學校重喺度,但係2014年就冇咗。