廣州文化公園（粵拼：gwong2 zau1 man4 faa3 gung1 jyun2）係中國廣東省廣州市嘅一間公園，喺荔灣區入面，東邊靠住人民南路；南邊靠住西堤二馬路；西邊靠住鎮安路；北邊靠住十三行路。呢間公園之前係抗日戰爭嗰時，蘿蔔頭炸落嚟嘅一個廢墟。喺1951年做過華南土特產展覽交流大會；1952年做過嶺南文化宮；直到1956年，市政府將兩園合併先至改成而家噉嘅名。呢間公園入面主要搞粵劇、講古、棋藝、燈謎、歌會同曲藝等一系列群眾性文化活動。
