十三行路(「行」字有陰上變調粵拼sap6 saam1 hong2 lou6)係中國廣東省廣州市入面嘅其中一條一般嘅馬路,喺荔灣區入面,成條馬路係東西走向。西邊從杉木欄路長樂路嘅交界開始,一直向東去到人民南路嗰頭。

十三行路
13 HANG ROAD
十三行路
十三行路
性質: 一般馬路
全長: 0.315公里
行車線: 1車道,東向西嘅單行綫。
地區: 廣州市荔灣區
起點: 杉木欄路長樂路嘅交界
終點: 人民南路仁濟西路
主要建築: 十三行服裝批發市場
廣州文化公園
新中國大廈

概要 編輯

全長315米,闊12米,1車道。成條路係單行綫,凈係可以從東邊向西邊行。

編輯

呢條馬路係因為清朝中葉嗰時,呢度搞咗半官半商嘅「十三行」呢間外貿仲介機構先至改咗噉嘅名。

所謂「十三行」 編輯

「十三行」之前就係廣州市喺明朝嗰陣嘅一間牙行[1]嘅名,嗰時重可以嗌「卅六行」都得。到咗清朝嘅康熙廿四年(1685年),由於朝廷喺呢度整咗個粵海關,就要求間牙行團體嚟頂住啲官同外商嘅交流,先至改咗嗌「十三行」嘅民。嗰時嘅牙行就分開改嗮嗌「乜洋行」或「乜行」嘅。而入面負責做嘅嘢就包括咗幫外商嚟搞報關、納稅,同外商搞進出口嘅商品業務,同頂住官方睺實嘅外商活動。嗰時嘅「十三」就唔係凈得13間噉解,因為呢條街最多嗰陣有40——50間,最少嗰陣凈係得4間,而道光十七年就啱好有13間。而行商聚會事嘅十三行商公所遺址,就喺而家嘅十三行路中間嗰度。而1926年廣州市政府要求拆城墻嚟起馬路嗰陣,就將呢條路改咗「十三行路」嘅名重一直用到而家。

經過嘅道路 編輯

呢度啲路嘅順序係從西去到東嚟排嘅,其中加粗咗嘅字係主幹道:

特色 編輯

呢條馬路由於有間十三行服裝批發市場新中國大廈響度,加上附近又有間文化公園,所以每日喺白天嘅7點半開始一直到晚黑嘅23點到,成日都見到運貨嘅人喺度行。一到咗上落班高峰或節假日,更加係人山人海,甚至重逼到爆咁滯。

編輯

編輯

  1. 嗰時嘅「牙行」唔係解釋成鑲牙檔或牙科醫院。