廣州科學城體育公園

 廣州科學城體育公園（粵拼：gwong2 zau1 fo1 hok6 sing4 tai2 juk6 gung1 jyun2） 係中國廣東廣州嘅公園，2010年6月11號開放，位置喺黃埔區廣州科學城，西北靠尖塔山路；北靠科翔路；東靠開泰大道；東南靠映日路；南靠科學大道。

廣州科學城體育公園正門

公園佔地面積約48.8ha，入面包括咗廣州國際羽毛球培訓中心同埋廣州國際網球中心兩間體育運動場，除咗羽毛球中心同網球中心分別霸咗2.8公頃同10公頃用地之外，凈低嗰36公頃係公園部分。

廣州市嘅第一條山體綠道座落喺呢間公園入面。公園南邊同東邊有綠道橋樑先後跨過科學大道同開泰大道。綠道包括2.48km嘅環山單車路同2.6km嘅爬山路。