開主選單

廣州科學城英文Guangzhou Science City)係中國廣東省廣州市入面嘅其中一個現代化嘅科學園區,嚮白雲山生態保護區嘅隔離,東邊冇幾遠就係廣州經濟技術開發區東區,南邊冇幾遠就係黃村附近嘅廣東奧林匹克體育中心,西邊重可以睇到喺1995年開始發展嘅珠江新城,北邊冇幾遠就係白雲區,佢重係廣州市東部發展嘅戰略中心區域同廣州市發展高新技術產業嘅示範基地。廣州科學城喺2011年嘅羊城八景入面,重攞咗「科城錦繡」呢個名。呢個園區嘅規劃面積有20.24平方公里。

位置

佢嚮廣州市嘅東邊嘅黃埔區入面,南邊距離黃埔港口有18公里,西北邊距離白雲機場有17公里咁遠。其中廣深鐵路廣深廣汕廣州環城高速公路都經過呢度,由呢度揸車去香港,個半鐘到兩個鐘就到。

喐手時間同目標

呢座園區喺1998年12月28號嗰陣正式喐手。佢嘅目標係整成一間「東方歐洲城」。

入面有啲乜

廣州科學城入面有5個功能組團區,分別係:

  • 電子資訊產業區
  • 生物醫藥產業區
  • 新材料同新能源產業區
  • 綜合研發孵化服務區
  • 生態保護區。

依家廣州科學城已經起咗有100萬平方米嘅孵化器同100萬平方米嘅加速器、將來重有100萬平方米嘅公共技術平臺同100萬平方米嘅生活配套設施。入面已經有285間唔同種類嘅科技研發機構,其中有7間中國國家級研發機構。

研究同開發

呢座城係主要圍繞高新技術產業嘅研究開發、生產製造嚟起嘅一座城,入面主要係發展微電子電腦現代通訊機電一體化光電技術空間技術生物技術嘅產業,佢重同整埋信息、倉庫儲存、金融、商業住宅、體育、娛樂同環保嘅設施。重根據佢嘅建設規劃目標同呢個地區原嚟有嘅地形條件同環境保護嚟留返14座山仔、重有部分生態林地同農田。

連出去