廣州青年公園

廣州青年公園（粵拼：gwong2 zau1 cing1 nin4 gung1 jyun2）係中國廣東省廣州市嘅其中一間公園，喺荔灣區南岸路同雙橋路、黃沙大道同中山八路嘅交界西北邊嘅珠江沙貝海邊嗰度。呢間公園喺1983年由廣東省同廣州市嘅領導、共青團員挾埋有3000個人嚟逳手起，到咗1989年先至起好重開放埋。之前間公園一直喺度收錢嘅，但係到咗1998年，公園正式開始免費開畀人入去玩。而公園嘅大字係由之前廣東省省委領導——劉田夫喺1988年寫出嚟嘅。佢起呢間公園嘅目的係用嚟起畀啲後生仔入去玩嘅。

敘述

呢間公園嘅佔地面積有3.5公頃，佢分開咗東區同西區。而設計方面，佢分開咗管理服務區、娛樂服務區、體育服務區同埋安靜休息區呢4個功能區。公園入面都有好濃厚嘅運動特色，佢嘅主體建築——青年活動中心就整咗乒乓波、羽毛球、籃球同足球等體育健身項目而俾市民同遊客歡迎咗佢。喺公園嘅西邊重可以望到喺之前羊城八景入面講嘅「雙橋煙雨」嗰個——珠江大橋。