雙橋路 (廣州)

雙橋路（粵拼：soeng1 kiu4 lou6）係中國廣東廣州嘅一條主幹道，喺荔灣區，從芳村大道西開始，一直去到黃沙大道、中山八路同南岸路嘅交界，成條馬路似「厂」字。條路亦俾多數廣州同佛山南海地區啲街坊嗌佢做「中山九路」。

双　桥　路 SHUANGQIAO LU

雙橋路嘅路牌（黃沙大道口近中山八路嗰嚿）

性質： 主幹道 全長： 2.7公里 行車線： 雙向8車道 地區： 廣州市荔灣區 起點： 芳村大道西 終點： 黃沙大道、中山八路同南岸路嘅交界 主要建築： 珠江大橋

名

條路因為舊時起珠江大橋時，由於條橋跨過珠江2次（一次係大坦沙西南邊嘅前航道，另一次係大坦沙東邊嘅後航道），所以「雙橋路」個名係噉嚟。

史

條路喺1957年起緊珠江大橋時順手搞出嚟，1960年10月1號開通珠江大橋時連同開通。初期係條雙向2車道兼中間有條火車軌隔開咗嘅馬路。1990年代尾由於珠江大橋撐唔到從廣佛兩地嚟嘅大量車流，加上嗰時成日大塞車，政府考慮要將條橋整闊時，順便連條馬路整闊成雙向8車道。整闊工程從2002年初開始搞，直到2004年底搞掂嗮。

2005年初，大橋整闊咗兼加入內環路一部分。從嗰時開始，機動車、人或單車、火車都全部各行其道。2008年期間，馬路嘅北邊又加咗條鐵路軌，2009年12月28號開通5號綫後，形成「雙路雙軌」嘅格局。

敘述

全長2.7km，雙向8車道。其中馬路各有4車道，各闊26m且往返兩邊唔相連；人行道比較闊，都有舊時兩邊各有1車道，夾埋2車道，但每條闊度得8m咁窄；火車道同鐵路各有1條，都喺上空。不過各個車道同人行道都俾路軌隔開咗，要喺橋底穿過先至得。

經過嘅道路

條路從西南到東排，加粗嘅字係主幹道：

• 芳村大道西
• 坦尾西路（橋頂經過，冇連埋一齊）
• 橋中南路、橋中中路
• 東海南路（橋頂經過，冇連埋一齊）
• 黃沙大道、中山八路、南岸路

睇埋

• 珠江大橋