廣東省中醫院

 廣東省中醫院（粵拼：gwong2 dung1 saang2 zung1 ji1 jyun2） ，又嗌廣州中醫藥大學第二臨床醫學院gwong2 zau1 zung1 ji1 joek6 daai6 hok6 dai6 ji6 lam4 cong4 ji1 hok6 jyun2或廣東省中醫藥科學院gwong2 dung1 saang2 zung1 ji1 joek6 fo1 hok6 jyun2，係中國廣東嘅省級三甲醫院機構，1933年成立，有5間總院同3間門診部。佢係中國近代史入面，其中一間最早嘅中醫醫院，有「南粵杏林第一家」嘅名。

大德路總院嘅正門廣場附近

芳村分院

二沙島分院

大學城分院

史

成立初期

• 1913年2月，廣東中醫中藥兩界人士整咗廣東嘅九大善堂力量出嚟，就傾係咪喺廣東度辦省中醫中藥學堂，結果喺1913年就成立咗中醫藥學校省港籌備處。

• 1924年，廣東中醫專科學校正式開學。結果為咗方便畀啲學生去實習，喺1933年9月份就成立咗廣東中醫院。

抗日戰爭時期

• 1938年，抗日戰爭期間，廣州淪陷，醫院俾日軍霸咗，搞到間學校搬咗去香港。
• 1944年，雖然話中醫專科學校準備喺韶關復課，但係由於日軍喺度搞搞震就冇繼續辦落去喇。
• 1945年8月15號抗日戰爭勝利之後，醫院就變做省婦幼保健院一直到1949年前，由於國民黨嘅軍隊迫到去臺灣，間醫院就恢復返之前嘅廣東中醫院嘅名。

中華人民共和國成立初期

• 1953年，醫院改為國有醫院，重改名嗌廣東省中醫實驗醫院。
• 1956年，廣東中醫專科學校喺原嚟嘅基礎上，就開搞咗間廣州中醫學院（而家係廣州中醫藥大學），而中醫實驗醫院就變咗廣州中醫學院嘅附院。
• 1958年，醫院正式改名嗌廣東省中醫院。

文化大革命後期

• 喺1973年嘅廣東省中醫院成立卌週年嗰陣，醫院俾上級批準咗，起咗棟6層樓嘅住院大樓同埋輔助科室嘅附樓。而呢間醫院有史以嚟嘅第一棟住院大樓直到1975年先至起好。雖然話嗰時好難出糧，但係嗰代人有無私奉獻嘅精神。

改革開放之後

• 1983年，醫院成立50週年。醫院正式開始搞運行機制改革，重推出咗一系列嘅服務措施，例如喺門診度病人可以揀醫生，開夜診、午診、優診、速診、星期日診等，就係噉加咗好多嘅門診量。
• 1986年，總院嘅新門診樓已經起好。
• 1987年，醫院嘅門診量第一次超過一百萬。
• 1988年，下塘門診部成立。
• 1990年，天河門診部成立。
• 1992年初，總院住院部1號樓開始營運
• 1992年5月，同日本一齊合作搞嘅廣東高野大腸肛門病防治研究中心正式開檔。
• 1992年10月，醫院俾人評選咗去全國第一批三級甲等醫院。
• 喺1993年嘅醫院成立60週年嗰陣，重入選埋「全國示範中醫院」。
• 1994年，羅沖圍門診部成立。
• 1997年，二沙島分院已經起好嗮重開放咗。
• 1999年，醫院入咗選「全國百佳醫院」。

21世紀

• 2002年，廣州市慈善醫院已經起好，入咗去廣東省中醫院度，變咗做廣東省中醫院芳村分院；嗰年重同珠海市中醫院合併咗。
• 2003年7月，廣東省中醫院29層樓高嘅新門診住院綜合大樓開放。
• 2007年，廣東省中醫藥科學院成立，同年亦開放咗大學城分院。

院區

• 大醫院：

  總院：廣州市越秀區大德路同海珠路嘅交界東北邊附近

  芳村分院：廣州市荔灣區芳村嘅荔海街（黃大仙嘅北邊）

  二沙島分院：廣州市越秀區二沙島嗰邊，東邊靠住蒲澗街；南邊靠住大通路；西邊靠住菊湖街；北邊靠住晴瀾路。

  大學城分院：廣州市番禺區大學城嘅內環西路嗰邊，對面有個文化廣場。

  珠海分院：珠海市香洲區景樂路同園林路嘅交界西北邊。

• 門診部：

  下塘：廣州市越秀區麓景西路，廣州廣播電視大學東門斜對面。

  天河東：廣州市天河區天河東路東邊，天河東路～天河路隧道南邊出口附近，隔籬係海欣街。

  羅沖圍：廣州市白雲區增槎路，富力半島花園東北三門斜對面。

攞過嘅稱號

• 三級甲等醫院
• 全國示範中醫院
• 全國百佳醫院

睇埋

• 廣東省婦幼保健院
• 廣州中醫藥大學

參攷

• 南粤杏林第一家——前进中的广东省中医院
• 广东省中医院——历史沿革
• 广东省中医院珠海医院主页