麓景路 (廣州)

  呢篇文講廣州市嘅麓景路。想搵長沙市嘅麓景路嘅話，請睇麓景路 (長沙)。

麓景路（粵拼：luk1 ging2 lou6）係中國廣東省廣州市嘅2條馬路，橫跨越秀區同白雲區。其中包括咗東西有方向嘅走向同南北冇方向嘅走向。

麓　景　路 LUJING LU

麓景路嘅路牌（冇方向嘅品種，環市中路口嗰嚿。）

性質： 一般馬路 全長： 冇方向：790m 有方向：2.2公里 行車線： 雙向2—4車道 地區： 廣州市越秀區、白雲區 起點： 有方向：下塘西路 冇方向：廣園中路嘅廣園客運站對面 終點： 有方向：恆安路 冇方向：環市中路 主要建築： 麓湖公園 廣州廣播電視大學 廣東省皮膚病醫院 廣州城市職業學院東門 登峰派出所

名

呢條馬路附近有個麓湖公園嘅景區先至改成噉嘅名。

史

其實呢條南北走向嘅馬路係以前起緊麓湖公園嗰時順便搞出嚟嘅，喺麓湖公園開園嗰時就開通咗。而東西走向嗰橛喺1995年之前，曾經係從麓景路去到恆安路嗰頭。但到咗1995年春，廣州市政府為咗解決城區馬路嘅斷頭路同下塘地區馬路塞車嘅問題，先至將馬路延長到而家嘅下塘西路嗰頭，而工程重將下塘西路入面嘅一個巴士總站（童心路總站）取消咗，最後東西走向嘅道路延長工程喺1997年搞好。

東濠涌二期工程

2011年11月7號，廣州市政府為咗打造廣州嘅傳統文化名城，結果喺東濠涌一期完工之後嘅第二年，率先喺呢條馬路嘅登峰地區附近揭蓋復涌嘅工程。受到工程嘅影響，呢條馬路甚至重變咗北向南嘅單行線成3年咁耐，同時部分巴士總站都搬走埋。直到2015年2月12號，喺麓湖公園西南邊嘅登峰地區附近已經正式揭蓋復涌，而北邊麓湖公園附近重喺度整緊。

概要

由於呢兩條馬路組成好似個十字架噉，所以分開介紹：

• 冇方向（南北）：全長2.2公里，闊11—35米，雙向2—4車道。喺登峰附近有條東濠涌經過。
• 有方向（東西）：全長790米，闊10—20米，雙向2—4車道。馬路西闊東窄。

麓景路嘅三條道路，起點到終點。

• 麓景路：從廣園中路嘅廣園客運站對面路口開始，一直去到環市中路嗰頭。
• 麓景西路：從下塘西路開始，一直去到麓景路嗰頭。
• 麓景東路：從麓景路開始，一直去到恆安路嗰頭。

經過嘅道路

麓景西路最西邊，下塘西路口嗰頭嘅交通光附近。

麓景路入面嘅東濠涌

冇方向

呢度啲路嘅順序係從北去到南嚟排嘅，其中加粗咗嘅字係主幹道：

• 廣園中路
• 麓湖橫路
• 麓景西路、麓景東路
• 恆安路
• 環市中路

有方向

• 下塘西路
• 麓景路
• 恆安路

特色

呢條馬路尤其係麓景西路同麓景路嘅麓湖公園南邊嗰橛，係好多非洲黑人嘅外商聚集地，嗰度成日俾人話成「非洲一條街」。而麓湖公園北邊嗰橛比較靜，一般嚟講好少人行嗰度；而麓景東路係一片居民嘅住宅聚集地。而馬路入面有兩間大學，喺每年課堂季嗰時，有好多學生成日喺嗰度返學同放學（最火爆嗰時係星期日晚黑同星期五晏晝）。